Loron Internasional Feto Rural selebra iha loron 15 fulan Outubru tinan-tinan. Assembleia Jeral Organizasaun Nasoens Unidas estabelese loron bo’ot ne’e liu husi Rezolusaun No. 62/136 iha loron 18 fulan Dezembru 2007 hodi rekoñese papel prinsipal no kontribuisaun feto rural ba hakbiit agrikultura no dezenvolvimentu iha area rural, no hadia seguransa aihan no mos halakon kiak.

Ideia atu rekoñese no respeita feto rural ho loron espesial ida ne’e mai husi ONG sira ne’ebé partisipa iha Konferensia Feto ba Dahaat iha Beijing (Repúblika Popular Xina). Hahú kedas tinan 2008 Timor-Leste selebra Loron Internasional Feto Rural ho inisiativa husi Sekretaria Estadu ba Promosaun Iguladade ne’ebé organiz feira ida iha Dili ne’ebé hatudu abilidade feto rural sira iha area produsaun agrikula no artesanato.