Notisia Detallu
- 19/01/2025
Dili, 21 Dezembru 2024____ S.E Sekretária Estadu ba Igualdade-SEI, Sra.Elvina Sousa Carvalho, ofisialmente taka direitamente Kongresu Nasionál VI Organizasaun Rede Feto Timor-Leste ne’ebé mak halao durante loron 3 hahu husi loron 17 fulan Dezembru 2024 to’o iha loron 21 fulan dezembru tinan 2024, iha salaun Enkontru Tres De Marco Maubai, Conselho dos Combatentes da Libertação Nacional (CCLN), Comoro, Dili.
Kongresu ne’e nu’uda parte ida hodi halibur feto sira ne’ebé ho hanoin ne’ebé konstrutivu ba avansa igualdade Jeneru no inklusaun iha Timor-leste.
Tan ne’e iha diskursu enseramentu S.E SEI, Sra. Elvina Sousa Carvalho orgullu tebes sai testamuna hodi rona feto sira nia durante loron 3 hodi luta ba igualdade Jeneru no inklusaun iha Timor-leste.
“Feto maluk sira hotu hosi Munisípiu hotu-hotu iha Timor-Leste nian laran no feto heroina sira, imi nia luta, dedikasuan no determiniasaun atu tau feto hanesan sentru ba dezenvolvimentu mak ohin loron hau mós hamrik ho fiar an iha imi nian oin atu ita hamutuk hodi kontinua obra no progresu lubuk ne’ebé atinje ona,” hateten sua Exelensia.
Sekretaria Estadu hateten husi kongresu ne’ebé iha konsege tau hamutuk hanoin hodi hamosu Plata Forma Asaun ida ne’ebé durante ne’e movimementu feto no parseiru sira nasional no internasional uza hanesan giaun hodi halo advokasia ba agenda feto nian ba liña ministerial no instituisaun estadu nian hotu no Plata Forma ne’e rasik nu’udar asaun ba igualdade jéneru no inkluzaun nian ne’ebé sei sai essensial u hodi alkansa igualdade jéneru no inkluzaun.
“Hau iha konfiansa katak wainhira feto sira halibur hamutuk no tau asaun hamutuk ita sei atinje barak liu tan. Plata Forma Asaun ida ne’e, hanesan katalizador ba feto Timor-Leste nia solidadriedade ba unidade iha asaun no kontinua re-afirma ita nia kompromisu hamutuk atu promove no hakbiit feto, labarik feto, ema ho defisiénsia no grupu vulneravel sira iha Timor-Leste. ,” Louva S.E SEI.
Tan ne’e atu taka Sua Exelensia SEI mos fiar katak husi POA ne’ebé prodúz iha Kongresu Da-Neen sei reflete atinjementu, no progresu ne’ebé Timor-Leste alkansa ona, no mós dezafiu no bareira sira ne’ebé sei eziste hodi trasa prioridade sira iha área oin-oin atu tulun feto sira hodi bele atinje sira nia pontensialdade sira no realiza sira nia mehi.
Governu Dasia komprometidu atu promove igualdade no hakbiit feto sira, hodi lori misaun ida ba asegura promosaun igualdade integra iha lejislasaun, polítika, programa no orsamentu estadu nian no Sekretaria Estadu ba Igualdade, hanesan instituisaun governu nian, kontinua sai hanesan kampiaun no katalizadora atu halo koordenasaun, advokasia no fó apoiu ba liña ministerial no instituisaun sira hotu atu promove igualdade jéneru iha ida-idak nia instituisaun no setór hotu.
Tan ne’e iha kongresu loron ikus organizasaun Rede feto direitamente entrega Plata Forma Asaun ne’ebé mak entrega husi Presidente Rede Feto Timor-leste, Sra. Zelia Copaz
Durante loron haat 17-20 dezembro 2024, Congressistas sira halao discussão no aprova Plataforma de asaun nee aprovado husi kongressistas liu atus-tolu iha VI Congresso Nacional FETO TIMOR-LESTE, Congressistas kompostu husi delegadas município 13, RAEOA.
Congresso nee hetan apoio máximo husi Presidência República, Secretaria Estadu Igualdade, UN Women Timor-Leste União Europeia em Timor-Leste Australia in Timor-Leste CARE in Timor-Leste TIMOR GAP, E.P. Autoridade Nacional dos Minerais (ANM) IGTL (Instituto de Geociências de Timor-Leste, RAEOA no seluktan.
#Media SEI/ Foto copyright Jufer Guterres#
Menu
MEDIA SEI
- Rua Balide, Dili, Timor-Leste
- +670 7000-0000
- media@sei.gov.tl
- media@sepitimorleste
- media@seirdtl