Notisia Detallu
- 20/01/2025
Aileu, 16 Setembru 2024_____ Sekretaria Estadu ba Igualdade (SEI) hanesan Makina Estadu ne’ebé ho nia papel no Responsabilidade atu koordena no halo advokasia na iha Implementasaun Abordajen Integrada Jéneru iha Lei, Politika, Programa no Orsamentu; Prevensaun no Komnbate Violensia bazeia ba Jeneru, Hakbiit Ekonomia no Promove partisipasaun feto iha Vida Politika no Nivel foti -desizaun.
Sekretaria Estadu ba Igualdade (SEI) mos estabelese bazeia ba iha dekretu-lei Nú.74/2023, loron 14 fulan-setembru husi ognika Sekretaria Estadu ba igualdade nian.
Husi lei ne’ebe mak iha no SEI mos lao tuir Planu Estratejia ba tinan 5 hahu husi tinan 2023-2028 ho objetivu peoridade lima mak hanesan hasae kapasidade Instituisaun SEI, Apoiu Instiuisaun Governu Promove Igualdade Jeneru no Inklusaun, Prevensaun ba Vionesia Bazeia ba Jeneru, Hakbiit Feto no Grupu Fetii ha areia ekonomia no Hasae Partisipasaun Feto iha Vida Politika no foti Desizaun.
Liu husi programa Prioridade lima ne’e mak SEI harii Asosiasaun Feto Munisipiu liu husi Kongresu Asosiasaun Feto ne’ebe hala’o kada tinan lima iha Munisipiu 12 Inklui Munisipiu RAEO.
Ho Kongresu ne’ebe iha Sekretaria Estadu ba Igualdade (SEI) iha loron 16 fulan Setembru tinan 2024 halao Abertura ba Kongresu Da-3 Asosiasaun Feto Munisipiu nian hahu uluk husi Munisipiu Aileu ne’ebe kuinesidu nudar ho naran Munisipiu Rai Husar.
Iha abertura kongresu Asosiasaun Feto Sekretaria Estadu ba Igualdade (SEI),Sra.Elvina Sousa Carvalho hamutuk ho Diretor Jeral-SEI, Sr.Armando da Costa, Diretor Nasional Dezenvolvimentu Igualdade Jeneru, Sr.José Do Rosario de Carvalho, marka prezensa mos husi Presidente Autoridade Munisipiu Aileu Sr, João Bosco Do Santos, Prezidente Asosiasaun Feto Nian Asaun ba Dezenvolvimentu Aileu (FADA), Sra.Beatris de Deus Torezão nomos Adjuntu Komadante PNTL Munisipiu Aileu, Inspektor Xefe Jacinto do Santos.
Iha Diskursu Abertura Kongresu Asosiasaun Munisipal Aileu, Sua Exelénsia Sekretária Estadu ba Igualdade (SEI), Sra.Elvina Sousa Carvalho hateten katak kongresu refere nudar kongresu ne’ebe importante tebes hodi deside nia lideransa ba servisu durante tinan 4 nia laran Tamba mudansa sira ne’ebé akontese iha komunidade laran, hanesan parte ida husi Asosiasaun Feto sira nia kontribusaun. Asosiasaun Feto sira nia luta mak atu hasa’e partisipasaun feto iha nivel aldeia no suku, hasa’e rendimentu ekonomia ba feto hodi ikus mai, halakon mukit no hamlaha iha ita nia munisipiu.
Sua Exelénsia hateten katak kna’ar importante husi asosiasaun feto sira atu muda no forma atitude sosiál no hahalok sira hodi promove direitu feto, kuda valores respeita no valoriza ema nia dignidade umana.Liu husi implementasaun ba programa no atividade sira, kontribui ona ba mudansa iha sosiedade, hari’í pas, prevensaun ba konflitu no violénsia sira, promove igualdade jéneru, hasa’e rendimentu ekonómia ba feto sira hodi kore-an husi mukit.
Tuir Sekretaria Estadu katak bazeia ba Estatuta FADA ( 2019-2024), funsaun hosi Asembleia Jerál maka atu relata implementasaun programa/atividade durante periódu tinan 4/5, trasa planu programa periódu tinan 4 tuir mai, halo revisaun ba estatuta FADA, no hili estrutura foun ba periódu tinan 4 tuir mai.
“ Ohin, ita hamutuk iha fatin ne’e atu kontribui ba mandatu ida nee, hodi bele trasa planu diak liu tan ba oin liuhusi; - haforsa institusaun hodi kontribui ba mudansa iha jestaun organizasaun, hadia regulamentu sira, hasae kapasitasaun rekursusu umanus FADA nian, inklui rekursu finanseiru sira, haforsa servisu parseria ho governu lokal no nasional, organizasaun sosiedade sivil sira, no organizasaun Internasional, Ajensia UNO sira atu implementa programa ba promosaun igualdade jéneru, hakbiit feto no labarik feto sira, no grupu vulneravel sira,” Katak Sua Exelensia
Sua Exelensia mos afirma katak wainhira organizasaun FADA ne’e forte, no iha regulamentu internal no finansas ne’ebé diak, ninia lideransa iha kapasidade jestaun, lideransa transformativu, negosiasaun, no advokasia bele kontribui ba haforsa organizasaun, kualidade lideransa, iha programa prioridade ne’ebé sustentavel, no ida ne’e, bele atrai doadores inklui governu no organizasaun internasional sira nafatin fo apoiu ba organizasaun nee, no wainhira hetan apoio fundus ne’ebé sustentavel, asosiasaun sira sei hala’o programa no atividade sira iha baze, hodi kontribui ba mudansa iha komunidade laran.
“ Ita boot sira sei rekoñese iha komunidade, no ikus mai komunidade bele tau fiar ka hili ita boot sira. ( exemplu: sekarik ita boot sira kandidata-an ba xefe aldeia no suku maka komunidade bele fiar iha potensialidade feto sira nian, kapasidade lideransa). Ita boot sira sei fo rezultadu ka fini ne’ebé diak ba Estadu, tamba hamosu ona feto forte sira, feto ne’ebé iha kapasidade lideransa no jestaun diak, no iha abilidade lideransa tranformativu no sst”.
Tan ne’e atu taka sua Exelensia hateten katak Sekretariu Estadu ba Igualdade sei nafatin apoiu FADA atu buras ba beibeik no sai forte liu tan. Tanba ne’e mak SEI nafatin suporta hodi realiza kongresu refere hodi bele realiza Planu no programa ne’ebe maki ha.
“SEI kompromisu nafatin atu apoiu feto sira, tamba ita bot sira sei hatutan SEI nia servisu iha baze, ita boot sira maka sei lori mudansa ba promosaun igualdade jéneru iha baze, SEI fiar katak investimentu ba organizasaun feto, sei lori mudansa ba feto nee rasik, feto nia familia, komunidade no estadu. Tamba nee, SEI iha programa prioridade boot haat inklui hakbiit politika no ekonomia ba feto liu husi apoiu fundus transferensia publika ba grupu feto no asosiasaun feto sira. Ekipa SEI sei esplika konaba lalaok no guia ba mekanizmu fundus transferensia publika inklui fundus rotativu sira iha loron daruak nian,” dehan Sekretaria Estadu ba Igualdade.
Ho Kongresu ne’ebe iha sei sei hamosu programa prioridade sira ne’ebé diak no bele sukat no tuir tempu ne’ebé determina, hamosu estatuta ne’ebé forte atu regula kona-ba lalaok Asosiasaun nian, no hili lideransa foun sira atu hatutan asosiasaun feto ba oin.
Iha fatin hanesan Presidente Autoridade Munisipiu Aileu Sr. João Bosco dos Santos Sente Orgullu tebes tanba iha munisipiu Aileu marka tan Eventu ida importante mak hanesan kongresu da-3 Feto nia iha munisipiu Aileu, liu liu iha Asosiasaun FADA tanba Asosiasaun FADA nu’udar organizasaun ida no mós nu’udar parseiru Governu iha área dezenvolvimentu, feto nia papél importante iha dezenvolvimentu, nu’udar matan, tilun, ibun ba feto, labarik sira, no husi inan ferik sira, feto ran sira, labarik sira iha área hotu, edukasaun, saúde, agrikultura, negosiu kiik sira, ect.
Tan ne’e PAM espera katak husi kongresu ne’e bele akumula feto potensiál hotu iha Munisipiu Aileu nian ne’ebé iha kapasidade no kuñesimentu nune’e bele hakbiit feto maluk sira seluk ne’ebé durante ne’e infrenta hela situasaun difisil iha sira nia moris lor-loron no labele asesu ba sira nia direitu ne’ebé hanesan, asesu ba justisa, violénsia domestika, asesu ba saúde, inan isin rua sira, asesu ba edukasaun kbiit la’ek sira no promove igualdade jéneru ne’ebé ita-nia konstituisaun no lei garantia ne’ebé fó kbiit ba feto sira atu envolve aan iha setór hotu hanesan vida polítika, sosiál, ekonomia, hodi kontribui ba dezenvolvimentu.
Tan ne’e Presidente Munisipiu Aileu husu ba Organizasaun FADA tenki iha vizaun ho misaun no prioridade sira no mós asaun konkreta sira ho planu ne’ebé bazeia ba problema identifikadu sira no lori ba konsellu konsultivu munisípál atu nune’e bele enkasia iha planu asaun munisípál, nia mos husu Estrutura sira presiza mós avaliasaun FADA ba asaun sira ne’ebé halo ona, hahu husi mandate dahuluk no mandatu daruak hahu husi ne’ebé, to’o ne’ebé. No atu hakat ba to’o ne’ebé, ho rejultadu asaun sira ne’e, bele di’ak no difikuldade sira ne’ebé infrenta nu’udar sasukat ba mandatu datolu hodi bele kontinua nu’udar durante mandatu ida ne’e.
Presidente Autoridade hatete katak Igualdade jéneru importante maibe tenki kualidade, laos dehan jéneru de’it, maibe persiza kualidade no laos haree bai ha kuantidade.
Iha diskursu ne’e Presidente Autoridade mos promote katak nu’udar autoridade prontu nafatin suporta FADA, tuir kapasidade ne’ebé mak iha, wainhira FADA hala’o nia knaar ho di’ak signifika katak ajuda ona Governu iha parte planu no dezenvolvimentu.
Tan ne’e atu taka Presidente Mos espera katak liu husi kongresu ne’ebe iha deside lideransa ida ne’ebe diak hodi bele servisu hamutuk iha Ekipa, kria Komunikasaun no koperasaun nomos sei ho transparansia hodi nune’e bele lori problema sira iha liur mai FADA hodi buka solusaun, katak “Feto Forti Nasaun Foti, FADA Forti Aileu Forti”.
Iha biban ne’e mos presidente Asosiasaun Feto FADA Sra.Beatris de Deus Torezão Agradese ba Sekretaria Estadu ba Igualdade ne’ebe suporta ona Asosiasaun FADA hodi realiza kongresu da tolu iha Munisipiu Aileu nomos Agradese ba Sua Exelensia Sekretaria Estadu ba Igualdade (SEI), Sra.Elvina Sousa Carvalho ho nia Komitiva tomak ne’ebe mak hamutuk iha Kongresu FADA nian ba datoluk nian iha Munisipiu Aileu.
Iha Diskursu Presidente FADA Hateten katka durante ne’e FADA susesu tanba hetan apoiu husi organizasaun internasionál hanesan Plan Internasionál no mós Governu Lokál hodi fó kapasitasaun no formasaun ba feto maluk sira hodi bele sai Xefe Suku no Xefe Aldeia, hanesan mós feto nafatin enkoraja feto maluk sira atu lidera iha intituisaun ka Suku no Aldeia importante tebes hodi hasa’e lian feto no asegura dezenvolvimentu ne’ebé inkluzivu no igual iha sosiedade.
“Ita-nia nasaun doben Timor-Leste hatudu ona progresu boot liga ba ita-nia feto nia partisipasaun no pozisaun foti desizaun iha nivel polítika, públiku hatudu atinjimentu iha orgaun lezislativu no mós repezentante feto iha Parlamentu Nasionál, no ohin loron iha ita-nia oin ita-nia Sekretaria Estadu ba Igualdade lidera ita feto tomak iha nasaun Timor-Leste, uluk mós hanesan membru Parlamentu Nasionál,” katak nia.
Presidente FADA afirma katak ho Prezensa SEI nia iha kongresu ne’e nu’udar parte ida nafatin
apoiu, suporta Tanba luta feto nia involvimentu laos iha ukun rasik aan maibe mós feto nia involvimentu iha kedas tempu okupasaun liuliu iha OPMT.
Atu taka Presidente FADA enkoraja Kongresita sira nafatin partisipa maksimu hodi deside lideransa ida ne’ebe diak bai ha asosiasaun FADA bai ha futuru.
Atu taka Presidente mos informa katak kongresu ne’e realiza tanba hetan apoiu fundu husi Sekertaria Estadu ba Igualdade SEI ho totál orsamentu $5000.00 hodi realiza atividade kongresu refere durante loron 2.
# Média SEI#
Menu
MEDIA SEI
- Rua Balide, Dili, Timor-Leste
- +670 7000-0000
- media@sei.gov.tl
- media@sepitimorleste
- media@seirdtl