Díli, 20 Janeiru 2025__ Sua Exelensia Primeiru Ministru Kay Rala Xanana Gusmao, Ohin loron 20 fulan Janeiru 2025, Halo Visita Supresa Ba Sekretaria Estadu ba Igualdade, Caicoli,Dili.

Visita Supreza ne’e simu direitamente Husi Sua Exelénsia Sekretária Estadu ba Igualdade, Sra.Elvina Sousa Carvalho, akompaña husi Xefe Gabineti-SEI, Sra.Angelina Machado de Jesus, Asesora Polika- SEI, Sra.Prisa de Sousa, Diretór Jerál-SEI, Sr.Armado da Costa nomos Funsionariu SEI rasik.

Objetivu husi Visita Sua Exelénsia Primeiru Ministru Kay Rala Xanana Gusmão hodi haree besik liu tan Servisu Sekretaria Estadu ba Igualdade nian, iha IX Governu Konstitusional tanba SEl nia papel no responsabilidade mak hanesan atu halo advokasia, koordena, implementa, no avalia estratéjia Abordajen Integrada Jéneru (AIJ) iha polítika, lei, programa, planu, no orsamentu iha instituisaun Estadu nian hotu ida-idak atu bele promove igualdade no inkluzaun, halakon diskriminasaun no violénsia oin-oin hasoru feto, labarik-feto, portadór/a defisiénsia, hakbiit feto, portadór/a defisiénsia no grupu vulnerável sira seluk iha setór ekonómia no mós hasae partisipasaun sira nian iha vida politika no foti-desizaun iha nível hotu nasionál, munisipál, no lokál. Papél importante SEI nian inklui mós halo koordenasaun no monitorizasaun no avaliasaun ba liña ministeriál hirak ne'ebé mak responsabiliza ba implementasaun polítika igualdade no inkluzaun iha nível nasionál no internasionál, hanesan, PAN-VBJ, PAN-1325 kona-ba Feto, Paz no Seguransa, Deklasaun Maubisse, BPfA, ODS, no CEDAW.

Tan ne’e iha Visita Supresa Refere Sua Exelénsia Sekretária Estadu ba Igualdade (SEI), Sra. Elvina Sousa Carvalho, ho orgullu Lori Jerente no Funsionariu SEI tomak nia naran agradese ba S.E Primeiru Ministru Kay Rala Xanana Gusmão nia visita tanba liuhusi visita refere bele Elvina Sousa Carvalho agradese bá Kay Rala Xanana Gusmão no Visita ne'e lori motivasaun bá SEI iha tinan foun 2025.