Sua Exelénsia Sekretária Estadu ba Igualdade-SEI, Elvina Sousa Carvalho hamutuk ho Dirijente No Funsionariu/a-SEI ho orgullu boot hakarak hato’o Parabéns ba Feto-Maluk Timor-Leste neebé hetan rekonesimentu hanesan feto topu ne’ebe tama iha lista dahuluk husi Feto nain-100 inspiradora ba Lusofonia iha tinan 2026 ka “Top 100 Mulheres Inspiradas da Lusofonia 2026”.

Ida ne’e sai novidades ispirativu no orgullu ida ba Timor-Leste liu-liu Feto maluk sira iha tinan 2026 inisiativa "istórika no pionera” ka tinan empoderamentu Feto iha Timor-Leste.

Tanba tuir lista ne’ebe fo sai husi Womenice Global Foundation Inc sai movimentu boot ida ne'ebé promove dedikadu ba feto inspiradora iha PALOP, África inkluis mos Timor Leste, iha selebrasaun loron internasional Feto bad ala 115 hodi anunsia lansamentu edisaun dahuluk husi inisiativa "Top 100 Inspirasaun Feto husi Mundu Lusofoneia 2026, hodi rekoñese feto sira ne'ebé iha excelensa iha nasaun no komunidade sira ne'ebé ko'alia lian portugés iha mundu tomak.

Lista ne’ebe fo sai hanesan istórika ida-ne'e halibur feto sira husi nasaun sira hanesan Brazil, Portugal, Angola, Mosambike, Kabu Verde, Guine-Bissau, Sao Tome no Prinsipe, Timor-Leste, no Guine Equatorial, ne'ebé adopta lian Portuges nu'udar lian ofisiál, hodi reforsa natureza inkluziva no komprensivu husi inisiativa ida-ne'e.

Ho objetivu atu kria enkontru reál entre feto sira ne'ebé fahe lian ne'ebé halibur ita, promove la'ós de'it koñesimentu no rede, maibé mós oportunidade atu kria empreza sira no dezenvolve projetu sira ho feto inspirador sira husi nasaun sira seluk.

Lista Lideransa Feto na’in 4 husi Timor-Leste ne’ebe mak tama iha feto nain-100 husi feto inspirador ba lusofonia iha tinan 2026 mak hanesan Sua Exelensia, Sra.Maria Fernanda Lay, Presidente Parlamentu Nasional (PPN), Sra.Kirsty Sword Gusmão, Fundadora Fundasaun Alola, Sua Exelénsia Sra. Adaljiza Albertina Xavier Reis Magno , Diplomata seniór No Eis-Ministra Negosiu Estranjeirus No Kooperasaun, no S.E.Sra Milena Pires, Ativista Direitu Feto No Eis-Embaixadora TL Ba ONU No Eis-Membru CEDAW.

Ida ne’e nuudar marka istoria id aba Feto Timor-Leste iha Mundu Internasional hodi hamutuk ho feto maluk Kuinesidu nivel internasional sira hanesan Gisele Bundchen, Anitta, Fernanda.

Laos deit marka Istoria iha Nivil Internasional maibe iha Nivel Nasional Timor-Leste mos Marka nia Istoria iha tinan ne’e tanba Tinan ne’e Timor-Leste sei selebra loron nasional bad ala 50 no iha fulan marsu tinan ne’e sai Vitoria id aba feto maluk nain 7 ne’ebe mak hetan mos nomiasaun hodi lidera pozisaun importante iha Instituisaun Governu Timor-Leste hamutuk ho feto-maluk nain-4 seluk ne’ebe hetan rekuinesimentu internasional sai Feto Inspiradora ba Lusofonia tinan 2026.

Hatudu katak fulan Marsu tinan 2026 nu’udar fulan empoderamentu Feto iha Timor-Leste.

“PARABÉNS FETO TIMOR-LESTE, VIVA FETO TIMOR-LESTE”